සමස්ත ලංකා බෞද්ධ මහා සම්මේලනය, දකුණු පළාත් ආණ්ඩුකාර කාර්යාලය,ගාල්ල තරුණ බෞද්ධ සංගමය සමඟ ඒකාබද්ධව 20 වන සියවසයේ අප රටේ උපන් දේශමාමක අනගාරික ධර්මපාල ශ්‍රීමතානන්ගේ 159 වන ජන්ම දින සැමරුම 2023 සැප්තැම්බර් මස 17 වන දින ගාලු නගරයේ ධර්මපාල උද්‍යානයේ දී පැවැත්විය.
මහාචාර්ය පූජ්‍ය මැදගොඩ අභය තිස්ස ස්වාමීන්වහන්සේ, රුහුණු විශ්ව විද්‍යාලයේ කුලපති අතිපූජ්‍ය අකුරැටියේ නන්ද නා හිමියන්ගේ වැඩමවීමෙන් සමස්ත ලංකා බෞද්ධ මහා සම්මේලනයේ ගරු සභාපති චන්ද්‍ර නිමල් වාකිෂ්ඨ මැතිතුමා සහ කෘත්‍යාධිකාරී මණ්ඩල සාමාජික භවතුන්ගේ ප්‍රධානත්වයෙන් දකුණු පළාත් ආණ්ඩුකාර ආචාර්ය විලීගමගේ මැතිතුමාගේ සහභාගීත්වයෙන් ශ්‍රීමත් අනගාරික ධර්මපාලතුමාගේ පිළිරුවට පුෂ්පෝපහාර දැක්විය.
එදින උදෑසන 9.00 සිට සවස 4.30 දක්වා ගාලු පුරහලේ දී ගාලු දිස්ත්‍රික් බෞද්ධ නායකයින් 500 කගේ සහභාගීත්වයෙන් නායකත්ව පුහුණු වැඩමුළුවක් පැවති අතර එහිදී ජනාධිපති නීතීඥ ප්‍රසන්ත ලාල් ද අල්විස්, ආචාර්ය විමල් දිසානායක, මහාබෝධි සමාගමේ ගරු උප සභාපති වසන්ත ද සිල්වා යන මහත්වරුන් විසින් අනගාරික ධර්මපාලතුමන් විසින් අප රටට ඉදිරිපත් කරන ලද ආර්ථික, සමාජ, සංස්කෘතික දැක්ම පිළිබඳ බෞද්ධ නායකයින් දැනුවත් කරීමේ දේශන පැවැත්විය
