සමස්ත ලංකා බෞද්ධ මහා සම්මේලනයේ ගෞරව පූර්වක සුභාශිංසනය”එදා බුදු වදනින් – මෙදා ලොවටම ශාන්තිය පතා…”එදා මීට වසර 2600කට පෙර බුදුරජාණන් වහන්සේ ලෝක සත්වයාගේ හිත සුව පිණිස දේශනා කළ ඒ උතුම් ශාන්ති මන්ත්රයම පෙරදැරි කරගනිමින්, වත්මන් ලෝකයට සාමයේ සිසිලස බෙදා දීමට වැඩම කළ “මහ සඟ යාත්රාව” වෙත සමස්ත ලංකා බෞද්ධ මහා සම්මේලනයේ උත්තමාචාරය මෙසේ එක් කරමු.
ටෙක්සාස් සිට වොෂින්ටන් ඩී.සී. දක්වා වූ ඒ දුෂ්කර මෙන්ම අති පූජනීය පා ගමන, හුදු සංචාරයක් නොව වෛරයෙන් හා නොසන්සුන්කමෙන් පෙළෙන ලෝකයට මෛත්රියේ ඖෂධය ලබා දුන් ධර්ම චාරිකාවකි. අතීතයේ බුදු සිරිතෙන් අප දුටු ඒ අකාලික සාමයේ පණිවිඩය, අද දවසේ ඔබ වහන්සේලා මෙලෙස ප්රායෝගිකව ක්රියාවට නංවා තිබීම මුළු මහත් බෞද්ධ ලෝකයටම මහත් අභිමානයකි.
භික්ෂූන් වහන්සේලා සහ ආලෝක (Aloka) සුනඛයා එක්ව පෙන්වා දුන් ඒ නිහඬ, අවිහිංසාවාදී ආදර්ශය, ජාති ආගම් භේදයකින් තොරව මුළු මහත් මනුෂ්ය සංහතියේම හදවත් සුවපත් කිරීමට සමත් විය.
“සමස්ත ලංකා බෞද්ධ මහා සම්මේලනය” ලෙස, ලෝකවාසී සැමට ශාන්තිය ප්රාර්ථනා කරමින් ඔබ වහන්සේලා ඇරඹූ මෙම උදාර පින්කමට අපගේ ශීර්ෂ ප්රණාමය පුද කර සිටින අතර මෙම උතුම් ව්යායාමය ලෝක සාමය උදෙසා තැබූ නොමැකෙන පියවරක් වේවා!
නගර හරහා ඇවිද යන භික්ෂූන් වහන්සේලා ප්රජාවන් සමඟ සම්බන්ධ වී, පුද්ගල අභ්යන්තර සාමය පිළිබඳ ඉගැන්වීම් බෙදා ගන්නා අතර, සැබෑ සමාජ සමගිය එක් එක් පුද්ගලයා තුළ ආරම්භ වන බවට අදහස මූර්තිමත් කරති.
ලෝකයට මෙම සරල නමුත් ගැඹුරු උදාහරණයෙන් ඉගෙන ගත හැකිය:
සාමකාමී වෙනසක් වර්ධනය වන්නේ ගැටුමක් හෝ බෙදීමක් නොව ඉවසීම, දෛනික භාවිතය සහ අනුකම්පාව තුළින් බව. ඇවිදීම, සවන් දීම, ඉගැන්වීම වැනි කුඩා, ස්ථාවර ක්රියාවන්ට පවා විවිධ සමාජයන් හරහා අවබෝධය, සංවේදනය සහ සහයෝගීතාවය ඇති කළ හැකි බව එයින් පෙන්නුම් කෙරේ.
